تحریک انصاف کے سینیٹر فیصل جاوید نے سینیٹ اجلاس میں اظہار خیال کرتے ہوئے کہا کہ بانی پی ٹی آئی نے اقوام متحدہ میں ناموس رسالت کے حق میں مؤثر آواز بلند کی، اور ان ہی کی کوششوں سے آج اقوام متحدہ اسلاموفوبیا کے خلاف دن مناتا ہے۔
فیصل جاوید نے یومِ آزادی کے اشتہار پر تنقید کرتے ہوئے کہا کہ اشتہار میں پورے خاندان کی تصاویر شامل تھیں لیکن قائداعظم کی تصویر غائب تھی، جو افسوسناک اور قابلِ مذمت ہے۔ انہوں نے کہا کہ ہم ایوان میں قائداعظم کی تصویر اس لیے لائے ہیں تاکہ اس کو نظرانداز نہ کیا جائے۔
انہوں نے مزید کہا کہ بانی پی ٹی آئی حقیقی آزادی کی بات کرتے ہیں اور حکومت کے اس رویے پر وضاحت درکار ہے کہ قائداعظم کو اشتہار سے کیوں نکالا گیا۔ چیئرمین سینیٹ سے مطالبہ کیا کہ وہ اس معاملے کی وضاحت طلب کریں، کیونکہ اشتہار عوام کے ٹیکس کے پیسوں سے شائع کیا گیا تھا۔
تبصرے بند ہیں