پنجاب میں مون سون بارشوں کا ساتواں اور نسبتاً مضبوط اسپیل آج سے شروع ہونے کا امکان ہے۔
ترجمان پی ڈی ایم اے کے مطابق 13 سے 17 اگست کے دوران صوبے کے بالائی علاقوں جبکہ 18 سے 21 اگست تک میدانی اضلاع میں بارشیں متوقع ہیں۔
لاہور، راولپنڈی، گوجرانوالہ اور سیالکوٹ میں اربن فلڈنگ جبکہ ندی نالوں میں فلیش فلڈنگ کا خدشہ ظاہر کیا گیا ہے۔
ڈی جی پی ڈی ایم اے عرفان علی کاٹھیا کا کہنا ہے کہ مری اور گلیات میں لینڈ سلائیڈنگ کا خطرہ موجود ہے، جبکہ کمزور اور کچے مکانات کو بھی نقصان پہنچنے کا اندیشہ ہے۔
تبصرے بند ہیں