بھارتی کپتان سوریا کمار یادیو کو ایشین کرکٹ کونسل کے صدر محسن نقوی اور پاکستانی کپتان سلمان علی آغا سے ہاتھ ملانے پر شدید تنقید کا سامنا کرنا پڑا
ایشیا کپ ٹی ٹوئنٹی کے آغاز سے پہلے ٹرافی کی رونمائی اور کپتانوں کی پریس کانفرنس کے دوران سوریا کمار یادیو توجہ کا مرکز بن گئے۔ پریس کانفرنس ختم ہونے کے بعد انہوں نے سلمان علی آغا اور محسن نقوی سے ہاتھ ملایا، جس کی ویڈیو سوشل میڈیا پر وائرل ہو گئی اور خبروں کی سرخیوں میں شامل ہو گئی۔
سوشل میڈیا صارفین نے بھارتی کپتان کی اس کارروائی پر سخت ردعمل ظاہر کیا۔ ایک صارف نے لکھا کہ پاکستان کے وفاقی وزیر داخلہ سے مصافحہ کرنا انتہائی شرمناک ہے، جبکہ ایک اور نے کہا کہ سوریا کمار یادیو نے محسن نقوی سے ہاتھ ملا کر شرمناک رویہ دکھایا، خاص طور پر جب محسن نقوی نے حال ہی میں آپریشن سندور کے بعد بھارت کو دھمکی دی تھی۔
ویڈیو اور تنقید کے بعد سوریا کمار یادیو کی یہ ملاقات سوشل میڈیا پر بڑے پیمانے پر بحث کا موضوع بن گئی۔
تبصرے بند ہیں