آسٹریلیا اور بنگلادیش کے درمیان ڈارون ٹیسٹ کے دوران مچل اسٹارک اور بنگلادیشی آل راؤنڈر مہدی حسن میراز کے درمیان گرما گرم جملوں کا تبادلہ ہوگیا۔
واقعہ اسٹارک کے 21ویں اوور میں پیش آیا جب مہدی نے پوائنٹ کی جانب شاٹ کھیل کر رن لینے کی کوشش کی اور اس دوران پچ کے درمیانی محفوظ حصے پر دوڑتے چلے گئے۔
امپائر کمار دھرماسینا نے فوری مداخلت کرتے ہوئے مہدی کو پچ کے اس حصے پر دوڑنے سے خبردار کیا تو انہوں نے کہا کہ اسٹارک راستے کے درمیان آگئے تھے۔
اسٹارک نے اس پر ناراضی کا اظہار کرتے ہوئے مہدی کو پچ کے محفوظ حصے اور اپنے فالو تھرو راستے سے دور رہنے کو کہا۔
جواب میں مہدی نے کہا کہ انہیں کچھ نظر نہیں آیا جس پر اسٹارک نے طنزیہ انداز میں کہا کہ ’اب آپ بنگلادیش میں نہیں ہیں‘۔
مہدی نے وضاحت کی کہ وہ گیند پر نظر رکھے ہوئے تھے اس لیے انہیں اسٹارک کا فالو تھرو دکھائی نہیں دیا۔
تبصرے بند ہیں