ریسلنگ فیڈریشن آف انڈیا نے جعلی برتھ سرٹیفکیٹ جمع کرانے پر 11 پہلوانوں کو معطل کر دیا۔
بھارتی میڈیا کے مطابق ان پہلوانوں پر عمر میں جعل سازی کا الزام ہے، جبکہ کچھ کیسز میں پیدائش کے 12 سے 15 سال بعد برتھ سرٹیفکیٹ جاری کیے گئے۔
میونسپل کارپوریشن آف دہلی نے 95 پہلوانوں کے برتھ سرٹیفکیٹ کی جانچ کی، جس میں 11 کیسز میں جعل سازی ثابت ہوئی۔ ان میں سے کچھ سرٹیفکیٹس فوٹوشاپ کے ذریعے تبدیل کیے گئے تھے۔
ان میں 6 پہلوان حال ہی میں معطل ہوئے جبکہ باقی 5 کو پہلے ہی معطل کیا جا چکا تھا۔
فیڈریشن کا کہنا ہے کہ ہمارا مقصد ایک شفاف اور منصفانہ نظام قائم کرنا ہے۔
تبصرے بند ہیں