شاہراہ بھٹو پر کسی قسم کا شگاف نہیں پڑا,ترجمان سندھ حکومت

ترجمان سندھ حکومت نادر نبیل گبول نے کہا ہے کہ شاہراہ بھٹو پر کوئی شگاف نہیں پڑا اور اس میں کوئی فالٹ نہیں چھوڑا جائے گا۔

انہوں نے بتایا کہ شاہراہ بھٹو زیر تعمیر ہے اور پانی کو راستہ دینے کے لیے عارضی طور پر کٹا گیا ہے، اس میں پریشانی کی کوئی بات نہیں۔ نادر نبیل گبول نے کہا کہ انٹرنیشنل فرم شاہراہ بھٹو تعمیر کر رہی ہے اور کسی قسم کی کوتاہی برداشت نہیں کی جائے گی، شاہراہ بھٹو پر مؤثر پانی نکاسی کا نظام بنایا جائے گا، اور یہ حصہ ابھی عوام کے لیے کھلا نہیں ہے۔

سندھ حکومت کے ترجمان کے مطابق مرزا آدم خان روڈ پر پانی کی صورتحال قابو میں آ چکی ہے اور سڑک کلیئر کر دی گئی ہے، تاہم سمندر کا لیول بڑھنے کی وجہ سے پانی دوبارہ لیاری ندی میں داخل ہو رہا تھا۔

ان کا مزید کہنا تھا کہ پانی کی نکاسی کے لیے 30 پمپس نصب کیے جا چکے ہیں اور مزید لگائے جا رہے ہیں۔ اگر آئندہ 100 ملی میٹر بارش نہیں ہوئی تو دوپہر تک ایم نائن مکمل طور پر کلیئر ہو جائے گا۔