بابر اعظم کی قیادت میں دورہ ویسٹ انڈیز اور انگلینڈ کیلیے قومی ٹیسٹ اسکواڈ کا اعلان

پی سی بی سلیکشن کمیٹی نے دورہ ویسٹ انڈیز اور انگلینڈ کے لیے 16 رکنی ٹیسٹ اسکواڈ کا اعلان کر دیا ہے۔

پاکستان کرکٹ بورڈ (پی سی بی) کی سلیکشن کمیٹی کے سربراہ عاقب جاوید نے ممبران مصباح الحق اور اسد شفیق کے ہمراہ پریس کانفرنس کرتے ہوئے دورہ ویسٹ انڈیز اور انگلینڈ کے لیے 16 رکنی ٹیسٹ اسکواڈ کا اعلان کر دیا ہے۔

شان مسعود سے ٹیسٹ ٹیم کی قیادت واپس لیتے ہوئے دونوں سیریز کے لیے اسٹار بیٹر بابر اعظم کو دوبارہ کپتانی سونپی گئی ہے۔ محمد رضوان کی ٹیم میں واپسی ہوئی ہے جب کہ ٹیسٹ نائب کپتان سعود شکیل کو ان کی خراب فارم کے باعث ٹیم سے ڈراپ کر دیا گیا ہے۔

دونوں ممالک سے ٹیسٹ سیریز کے لیے پاکستانی اسکواڈ ان کھلاڑیوں پر مشتمل ہے۔
بابر اعظم (کپتان)، شان مسعود، عامر جمال، عبداللہ فضل، علی عثمان، اذان اویس، امام الحق، خرم شہزاد، محمد عباس، محمد علی، محمد اویس ظفر، غازی غوری، ساجد خان، سلمان علی آغا اور عبید شاہ۔
سلیکشن کمیٹی کے سربراہ عاقب جاوید نے کہا کہ سعود شکیل کی فٹنس بہتر ہونے میں ابھی تھوڑا وقت لگے گا، اس لیے انہیں اسکواڈ میں شامل نہیں کیا گیا ہے۔

ان کا کہنا تھا کہ ٹیم کی تیاری ٹیسٹ سیریز کے لیے کافی بہتر ہے، جہاں تک بات ہے سلیکشن کمیؔٹی کی تو مصباح الحق اور سرفراز احمد کو سلیکشن کمیٹی میں آئے ہوئے ابھی چھ ماہ ہوئے ہیں، اتنے مختصر عرصہ میں کسی کی کارکردگی کو جج نہیں کیا جا سکتا۔

عاقب جاوید نے مزید کہا کہ شان مسعود کی کپتانی میں نتائج اچھے نہیں ملے، اس لیے کوشش کی ہے کہ تبدیلی لائی جائے، تاکہ ٹیم کے نتائج اچھے ہوں۔

سابق کپتان اور ممبر سلیکشن کمیٹی مصباح الحق نے کہا کہ کرکٹ میں تسلسل بہت اہم ہے، اسی سے کامیابی ملتی ہے۔ دیکھنا ہوتا ہے کہ کپتانی یا پرفارمنس کے نتائج کیا آتے ہیں۔ بحیثیت پلیئر اور کپتان کارکردگی میں تسلسل ہے یا نہیں۔