بھارت کی جانب سے چھوڑا گیا سیلابی ریلا آج ہیڈ پنجند اور دو روز بعد گڈو بیراج تک پہنچنے کی توقع ہے

گڈو بیراج پر پانی کی آمد 3 لاکھ 42 ہزار 153 کیوسک جبکہ اخراج 3 لاکھ 10 ہزار 408 کیوسک ریکارڈ کیا گیا۔ محکمہ اطلاعات سندھ کے مطابق سکھر بیراج پر پانی کی آمد 3 لاکھ 31 ہزار 230 اور اخراج 2 لاکھ 75 ہزار 850 کیوسک رہا۔

کوٹری بیراج میں پانی کی آمد 2 لاکھ 47 ہزار 186 اور اخراج 2 لاکھ 9 ہزار 431 کیوسک ریکارڈ کیا گیا۔ اسی طرح ہیڈ پنجند پر پانی کی آمد 2 لاکھ 27 ہزار 710 اور اخراج 2 لاکھ 13 ہزار 740 کیوسک رہا۔

ادھر وزیر زراعت سندھ محمد بخش مہر نے گڈو بیراج اور کندھکوٹ کشمور بند کا معائنہ کیا۔ اس موقع پر انہوں نے کہا کہ صورتحال قابو میں ہے اور 7 لاکھ کیوسک کا ریلا آنے کی توقع ہے لیکن خطرے کی کوئی بات نہیں۔