کراچی میں آئندہ 24 گھنٹوں کے دوران وقفے وقفے سے تیز ہواؤں کے ساتھ بارش کا امکان

شہر کے مختلف علاقوں میں بوندا باندی کا سلسلہ جاری ہے، جن میں ڈیفنس، کورنگی روڈ، شارع فیصل، برنس روڈ اور ایم اے جناح روڈ شامل ہیں۔ اسی طرح قیوم آباد، محمود آباد، منظور کالونی، بلوچ کالونی اور قریبی علاقوں سے بھی بوندا باندی کی اطلاعات ملی ہیں۔

محکمۂ موسمیات کے مطابق کراچی میں کم سے کم درجہ حرارت 26.5 ڈگری سینٹی گریڈ ریکارڈ کیا گیا، جبکہ زیادہ سے زیادہ درجہ حرارت 31 ڈگری سینٹی گریڈ تک رہنے کی توقع ہے۔

ادارے کے مطابق شہر میں ہوا میں نمی کا تناسب 92 فیصد ریکارڈ کیا گیا ہے۔