اسرائیل کی غزہ پر شدید بمباری، بارودی روبوٹس سے عمارتوں کی تباہی شروع

غزہ پر اسرائیلی فضائی حملوں کا سلسلہ جاری ہے، جبکہ قابض فوج نے بارود سے بھرے خودکار روبوٹس کے ذریعے عمارتوں کو نشانہ بنانا بھی شروع کر دیا ہے، جس سے کئی عمارتیں زمین بوس ہو گئیں۔

عرب میڈیا کے مطابق اسرائیلی فوج نے گزشتہ 24 گھنٹوں کے دوران مزید 88 فلسطینیوں کو شہید کر دیا، جن میں امداد کے منتظر 32 افراد بھی شامل ہیں۔

واضح رہے کہ 7 اکتوبر 2023 کے بعد سے اسرائیلی حملوں میں شہادتوں کی تعداد 63 ہزار 459 تک پہنچ چکی ہے، جب کہ زخمیوں کی تعداد 1 لاکھ 60 ہزار 256 ہو گئی ہے۔