وزیر دفاع خواجہ آصف نے کہا ہے کہ پی ٹی آئی کا قومی اہمیت کے دنوں، بشمول 14 اگست، پر احتجاج کرنا ایک معمول بن چکا ہے۔
اپنے بیان میں انہوں نے کہا کہ ایک شخص قومی دنوں اور تہواروں سے زیادہ پی ٹی آئی کو فوقیت دیتا ہے، اور پارٹی نے کبھی دہشت گردی کی کھل کر مذمت نہیں کی۔ ان کے مطابق اسد قیصر نے واضح کیا کہ وہ کے پی میں دہشت گردوں کے خلاف آپریشن نہیں ہونے دیں گے۔
خواجہ آصف نے بتایا کہ پاک بھارت جنگ کے دوران علیمہ خان مسلسل حکومت پر مودی سے ساز باز کے الزامات لگاتی رہیں، جبکہ اس سال 700 شہداء نے وطن کے لیے جان دی۔ اس کے باوجود پی ٹی آئی کے کسی رہنما نے نہ کوئی تعزیتی بیان دیا، نہ کسی شہید کے گھر گئے، بلکہ الٹا مخالفانہ بیانات دیے۔
انہوں نے کہا کہ یہ لوگ پاکستانی ہیں یا کسی ایسے گروہ کا حصہ جو نازک وقت میں ملک کی سالمیت پر اندرونی حملہ کرے؟ کوئی شخص یا لیڈر وطن سے بڑا نہیں، اول اور آخر پاکستان ہے۔
تبصرے بند ہیں