پنجاب کابینہ نے کم از کم تنخواہ میں اضافے اور صنعتی ورکرز کے لیے مفت فلیٹس کی فراہمی کی منظوری دے دی۔
سما نیوز کے مطابق وزیراعلیٰ پنجاب مریم نواز کی زیر صدارت کابینہ اجلاس میں 130 نکاتی ایجنڈا منظور کیا گیا۔ اجلاس میں صنعتی ورکرز کے لیے 1220 فلیٹس کی منظوری دی گئی، جو لیبر کمپلیکس سندر، قصور اور لیبر کالونی ٹیکسلا میں قرعہ اندازی کے ذریعے فراہم کیے جائیں گے۔
وزیراعلیٰ مریم نواز نے فلیٹس کی قیمت مزدوروں سے وصول کرنے کی تجویز مسترد کرتے ہوئے مزید 3 ہزار فلیٹس کی تعمیر کے لیے فوری اقدامات کی ہدایت بھی جاری کر دی۔
تبصرے بند ہیں