سندھ میں 7 ستمبر سے بارش متوقع، ہوا کا کم دباؤ مغرب کی جانب بڑھنے لگا

محکمہ موسمیات کے مطابق مون سون کا کم دباؤ اس وقت بھارتی ریاست چھتیس گڑھ کے قریب موجود ہے اور مغرب و شمال مغرب کی سمت بڑھ رہا ہے۔

یہ سسٹم 6 یا 7 ستمبر تک بھارتی ریاست راجستھان اور گجرات کے قریب پہنچ جائے گا۔

محکمہ موسمیات کا کہنا ہے کہ اس کے اثرات کے تحت جنوب مشرقی سندھ میں 7 ستمبر سے بارش کا امکان ہے، جہاں بعض مقامات پر گرج چمک کے ساتھ تیز بارش بھی ہوسکتی ہے۔

کراچی میں بارش کے حوالے سے حتمی پیشگوئی سسٹم کے مزید قریب آنے کے بعد کی جائے گی۔