رحیم یار خان میں سکھر ملتان موٹروے پر ڈاکوؤں کا حملہ، موٹروے ٹریفک کے لیے بند، 4 مسافر زخمی

رات کے وقت ایک درجن سے زائد ڈاکوؤں نے مسافر اور مال بردار گاڑیوں کو لوٹنے کی کوشش کی۔ فائرنگ کے نتیجے میں 4 مسافر زخمی ہوئے، جن میں بس کلینر اور ایک خاتون شامل ہیں۔ فائرنگ کے دوران بھگدڑ مچنے سے بھی 2 افراد زخمی ہوئے، جنہیں فوری طور پر اسپتال منتقل کیا گیا۔ ڈاکوؤں نے فائرنگ کر کے کئی گاڑیوں کے ٹائر برسٹ کر دیے۔ موٹروے پولیس نے اعظم پور ریسٹ ایریا سے گڈو انٹرچینج تک سڑک کو بند کر دیا ہے۔