پاکستانی سوشل میڈیا اسٹار چاہت فتح علی خان کو برطانیہ میں نوجوانوں نے انڈے مار کر فرار

چاہت فتح علی خان اپنی منفرد گائیکی اور مزاحیہ انداز کے باعث شہرت رکھتے ہیں اور اکثر ٹی وی پروگرامز و تقریبات میں مدعو کیے جاتے ہیں۔ حال ہی میں وہ برطانیہ میں ایک پراٹھا شاپ کی افتتاحی تقریب میں شریک تھے۔

واقعے کے دوران وہ سڑک کنارے تصاویر بنوا رہے تھے کہ دو نوجوان اچانک قریب آئے اور ان کے سر اور سینے پر انڈے مار کر بھاگ گئے۔ وائرل ویڈیو میں دیکھا جا سکتا ہے کہ وہ لمحہ بھر کے لیے حیران رہ گئے جبکہ ان کا چہرہ اور کپڑے بھی خراب ہوگئے۔

سوشل میڈیا صارفین نے اس واقعے پر سخت ردعمل دیا، اسے شرمناک اور بچکانہ حرکت قرار دیا اور مطالبہ کیا کہ ملوث نوجوانوں کو گرفتار کر کے سزا دی جائے۔

خیال رہے کہ دنیا بھر میں سیاستدانوں اور مشہور شخصیات پر انڈے پھینکنے کے واقعات اکثر احتجاج یا مزاح کے طور پر سامنے آتے ہیں۔