اٹلی کے اورینٹیئرنگ ایتھلیٹ، 29 سالہ میتیا دیبرٹولس، ورلڈ گیمز کے دوران موت کے عالم میں انتقال کر گئے۔ چین میں مردوں کی مڈل ڈسٹنس ریس کے دوران اچانک بے ہوش ہونے پر انہیں فوری طور پر اسپتال منتقل کیا گیا، جہاں باوجود طبی امداد کے وہ جاں نہیں بچ سکے۔
انٹرنیشنل ورلڈ گیمز ایسوسی ایشن، مقامی آرگنائزنگ کمیٹی اور بین الاقوامی اورینٹیئرنگ فیڈریشن نے ایک مشترکہ بیان میں اس افسوسناک واقعے پر گہرے دکھ کا اظہار کیا اور میتیا کی خاندان، دوستوں اور پوری کمیونٹی سے تعزیت کی۔ تاہم موت کی کوئی واضح وجہ بیان نہیں کی گئی۔
میتیا، جو اٹلی کی اورینٹیئرنگ فیڈریشن (FISO) کی ٹیم کے رکن تھے، 2025 ورلڈ گیمز میں حصہ لے رہے تھے۔ وہ پہلے ورلڈ چیمپئن شپ اور ورلڈ کپ مقابلوں میں بھی شرکت کر چکے تھے، جن میں 2022 کے ورلڈ کپ فائنل ریلے میں اٹلی کو پانچویں پوزیشن دلانا ان کی نمایاں کامیابیوں میں شامل ہے۔
ان کے اعزاز میں پولینڈ میں جاری ماؤنٹین بائیک اورینٹیئرنگ ریسز کی ایوارڈ تقریب میں پرچم نصف سرنگوں کرکے خراجِ عقیدت پیش کیا جائے گا۔
یاد رہے کہ اورینٹیئرنگ میں کھلاڑی نقشہ اور کمپاس کی مدد سے نامعلوم سرزمین پر دوڑتے ہوئے راستے تلاش کرتے ہیں، یہ کھیل وقت کے ساتھ ساتھ ذہانت اور مہارت کا تقاضا کرتا ہے۔
تبصرے بند ہیں