اداکارہ سونیا حسین نے اپنی سالگرہ قریبی دوستوں اور ساتھی فنکاروں کے ساتھ بھرپور انداز میں منائی، جہاں کی تصاویر اور ویڈیوز سوشل میڈیا پر تیزی سے وائرل ہو رہی ہیں۔
ویڈیوز میں سونیا حسین کو بولڈ انداز میں ڈانس کرتے دیکھا جا سکتا ہے، جب کہ تقریب کے دیگر شرکاء بھی رقص میں شریک دکھائی دیے۔ اداکارہ نے تقریب میں دو مختلف آف شولڈر ڈریسز پہنے جنہیں سوشل میڈیا پر تنقید کا نشانہ بنایا جا رہا ہے۔
پارٹی میں منشا پاشا، عمر عالم، اعجاز اسلم، ژالے اور حسن رضوی سمیت کئی شوبز شخصیات شریک ہوئیں۔
سوشل میڈیا صارفین نے ان ویڈیوز پر مذہبی حساسیت، اخلاقیات اور فلسطین میں جاری صورتحال کے تناظر میں سخت ردعمل کا اظہار کیا ہے۔
واضح رہے کہ سونیا حسین کی سالگرہ 15 جولائی کو منائی جاتی ہے، تاہم یہ ویڈیوز حال ہی میں وائرل ہوئی ہیں اور تاحال سونیا کی جانب سے کوئی وضاحت یا ردعمل سامنے نہیں آیا۔
تبصرے بند ہیں