آسٹریلوی آل راؤنڈر کیمرون گرین فٹنس مسائل کے باعث بھارت کے خلاف ون ڈے سیریز سے باہر ہوگئے ہیں۔
کرکٹ آسٹریلیا کے مطابق کیمرون گرین کی سائیڈ انجری لو گریڈ ہے مگر انہیں احتیاطی طور پر نہ کھلانے کا فیصلہ کیا گیا ہے، کیمرون گرین کی جگہ مارنوس لبوشین کو ون ڈے اسکواڈ میں شامل کر لیا گیا ہے۔
کرکٹ آسٹریلیا کا کہنا ہےکہ کیمرون گرین مختصر ری ہیب مکمل کرکے ایشیز کی تیاری کے لیے شیفلڈ شیلڈ کا میچ کھیلیں گے۔
خیال رہے کہ مارنوس لبو شین نے ون ڈے اسکواڈ سے ڈراپ ہونے کے بعد ڈومیسٹک کرکٹ میں تسلسل کے ساتھ رنز بنائے ہیں۔
آسٹریلیا اوربھارت کے مابین ون ڈے میچز 19 ، 23 اور 25 اکتوبر کو کھیلے جائیں گے جو بالترتیب پرتھ، ایڈلیڈ اور سڈنی میں شیڈول ہیں۔
تبصرے بند ہیں