ضلع ہٹیاں بالا میں چکار کے علاقے سربالا سلمیہ میں جنگلی سوروں کے حملے میں ایک شخص جاں بحق اور ایک شدید زخمی ہوگیا۔
تفصیلات کے مطابق جنگلی سوروں کے حملے میں جاں بحق ہونے والے شخص کی شناخت محمد رفیق کے نام سے ہوئی۔ شدید زخمی محمد اکرم کو تشویشناک حالت میں مظفرآباد ریفر کر دیا گیا۔
جنگلی سوروں کے اچانک حملے سے علاقے میں خوف و ہراس پھیل گیا جس پر شہریوں نے محکمہ وائلڈ لائف اور انتظامیہ کے خلاف شدید احتجاج کیا۔
عوام نے جنگلی جانوروں سے تحفظ کے لیے فوری اقدامات کا مطالبہ کر دیا۔
سربالا سلمیہ میں جنگلی سوروں کے حملے کے بعد شہریوں میں خوف کی فضا قائم ہوگئی۔
تبصرے بند ہیں