یورپی یونین نے حالیہ سیلاب سے متاثرہ پاکستان کے لیے تقریباً 35 کروڑ روپے کی ہنگامی امداد کا اعلان کیا ہے۔
سماجی رابطے کی ویب سائٹ ’ایکس‘ پر جاری بیان میں یورپی یونین نے کہا کہ تباہ کن سیلاب کے باعث سینکڑوں افراد جاں بحق ہو چکے ہیں جبکہ کئی اب بھی لاپتہ ہیں۔
بیان کے مطابق، یہ امداد قابل اعتماد شراکت دار تنظیموں کے ذریعے متاثرہ خاندانوں تک پہنچائی جائے گی، جس میں طبی سہولیات، صاف پانی، صفائی ستھرائی اور بیماریوں سے بچاؤ کے لیے حفظانِ صحت کی خدمات شامل ہوں گی۔
مزید کہا گیا ہے کہ سیلاب سے شدید متاثرہ افراد کو ان کی بنیادی ضروریات پوری کرنے کے لیے نقد امداد بھی فراہم کی جائے گی۔
تبصرے بند ہیں