لاہور کی انسداد دہشت گردی عدالت نے جناح ہاؤس حملہ کیس میں بانی پی ٹی آئی کی بہن علیمہ خان کے بیٹے شاہ ریز کی ضمانت کی درخواست پر فیصلہ محفوظ کر لیا ہے۔
وکیل رانا مدثر نے عدالت کو آگاہ کیا کہ شاہ ریز پر کارکنوں کو اُکسانے کے الزامات عائد کیے گئے ہیں، مگر اس مقدمے میں کسی قسم کا ٹھوس ثبوت موجود نہیں ہے نہ چالان میں نامزد کیا گیا ہے، نہ کسی تفتیشی بیان میں ان کا ذکر، اور جیو فینسنگ رپورٹ بھی ان کے خلاف کچھ ثابت نہیں کرتی۔ وکیل نے مزید استدعا کی کہ شاہ ریز اس وقت چترال میں ہیں، جہاں تمام متعلقہ افراد کے تفصیلی بیان حلفی موجود ہیں، اور ان کی گرفتاری دراصل سیاسی دباؤ کے تحت کی گئی ہے تاکہ علیمہ خان کی آواز کو دبایا جا سکے۔
عدالت نے دلائل جاری رکھنے کی خواہش کا اظہار کرتے ہوئے وکیل سے وقت مانگا۔ سرکاری پراسیکیوشن نے مؤقف اختیار کیا کہ شاہ ریز کے بیان حلفی کی تصدیق ابھی باقی ہے، جبکہ ان کے دوستوں کے سوشل میڈیا سے تصاویر حاصل کی گئیں ہیں، مگر ان کے کسی اکاؤنٹ کی تصاویر دستیاب نہیں ہیں۔ اس بنیاد پر انہوں نے ضمانت مسترد کرنے کی استدعا کی۔
تمام دلائل مکمل ہونے پر عدالت نے شاہ ریز کی ضمانت پر فیصلہ محفوظ کر لیا ہے۔
ذرائع کے مطابق تھانہ سرور روڈ پولیس نے جناح ہاؤس حملہ کیس میں شاہ ریز خان کے خلاف مقدمہ درج کیا ہوا ہے۔
تبصرے بند ہیں