وزیر مملکت برائے داخلہ طلال چوہدری کا کہنا ہے کہ محض مقبولیت کسی کے جرائم کو معافی نہیں دلا سکتی، نو مئی کے واقعات پی ٹی آئی کے کارکنوں نے انجام دیے۔
جیو نیوز کے پروگرام "آج شاہزیب خانزادہ کے ساتھ” میں گفتگو کرتے ہوئے انہوں نے کہا کہ احتجاج آئینی حق ہے، مگر اس کے لیے مخصوص شرائط پوری کرنا ضروری ہوتا ہے۔
ان کا کہنا تھا کہ پورے پنجاب میں پی ٹی آئی کے صرف چند لوگ ہی احتجاج کے لیے نکلے، جن کی تعداد دو، دو، چار، چار تھی، جو اس بات کا ثبوت ہے کہ ان کے پاس احتجاج کے لیے عوامی حمایت نہیں ہے۔
طلال چوہدری نے مزید بتایا کہ وفاق میں کسی بھی منتخب رکن کو حراست میں نہیں لیا گیا، اراکین قومی اسمبلی ایوان میں موجود رہے، کھانے اور گپ شپ میں مصروف دکھائی دیے، جب کہ پنجاب میں جنہیں گرفتار کیا گیا، انہیں بھی جلد رہا کر دیا گیا۔
تبصرے بند ہیں