عظمیٰ بخاری کا کہنا ہے کہ علیمہ خان بھی اپنے بھائی کی طرح جھوٹ بولنے کی عادی ہو گئی ہیں

وزیر اطلاعات پنجاب عظمیٰ بخاری نے علیمہ خان پر تنقید کرتے ہوئے کہا ہے کہ وہ بھی عمران خان کی طرح متضاد بیانات دینے کی عادی ہو گئی ہیں۔

اپنے بیان میں عظمیٰ بخاری نے کہا کہ علیمہ خان کبھی دعویٰ کرتی ہیں کہ قاسم اور سلیمان پاکستان آرہے ہیں، کبھی انکار کر دیتی ہیں۔ کبھی ماں کی اجازت کا ذکر کرتی ہیں، کبھی ویزے کی کمی کا بہانہ بناتی ہیں۔ پہلے ان بچوں سے پوچھ لیں کہ وہ آنا چاہتے بھی ہیں یا نہیں۔

انہوں نے مزید کہا کہ علیمہ خان کبھی کہتی ہیں کہ قاسم اور سلیمان کے پاس نائیکوپ ہے، پھر ویزے کی درخواست کی بات کرتی ہیں۔ جب عمران خان کا "انقلابی ٹولہ” کچھ نہ کر سکا تو یہ دونوں لڑکے کیا کریں گے؟

عظمیٰ بخاری کا کہنا تھا کہ قاسم اور سلیمان امریکا گھومنے گئے تھے، اب واپس لندن پہنچ چکے ہیں، اگر واقعی اپنے والد سے ملنا چاہتے ہیں تو ضرور آئیں، کوئی انہیں روکنے والا نہیں۔