پشاور: پاکستان سپر لیگ پی ایس ایل 11 کے آغاز سے قبل پشاور زلمی نے افغانستان کے وکٹ کیپر بلے باز رحمان اللہ گرباز کو ٹیم میں شامل کرلیا ہے۔
پشاور زلمی کے مالک جاوید آفریدی نے سوشل میڈیا پر اس بات کی تصدیق کرتے ہوئے گرباز کو ’زلمی فیملی‘ میں خوش آمدید کہا۔
افغان کرکٹر رحمان اللہ گرباز ایک جارحانہ ٹاپ آرڈر بلے باز اور تیز رفتار وکٹ کیپر ہیں جو پہلے بھی پی ایس ایل میں کھیل چکے ہیں اور اسلام آباد یونائیٹڈ اور ملتان سلطانز کی نمائندگی کر چکے ہیں، ان کے پاور پلے میں جارحانہ بلے بازی اور بے خوف انداز سے زلمی کو ابتدائی شروعات میں فائدہ مل سکتا ہے۔
رپورٹس کے مطابق گرباز اس وقت افغانستان کی ٹی 20 ورلڈ کپ 2026 اسکواڈ میں شامل ہیں جو 7 فروری سے شروع ہو رہا ہے۔
پی ایس ایل 11 کی ابتدائی مارکیٹ میں دیگر فرنچائزز نے بھی اہم کھلاڑیوں کو سائن کیا ہے، لاہور قلندرز نے بنگلہ دیش کے پیک اسٹار مستفیض الرحمٰن کو اپنی ٹیم میں شامل کرلیا ہے۔
تبصرے بند ہیں