اسرائیلی فوج کے وحشیانہ حملوں میں گزشتہ 22 ماہ کے دوران غزہ میں 662 فلسطینی کھلاڑی اور کھیلوں کے عہدیدار شہید ہو چکے ہیں۔
فلسطینی فٹبال ایسوسی ایشن کے مطابق غزہ اور مقبوضہ مغربی کنارے میں اسرائیلی فوج نے 228 کھیلوں کے میدان، اسٹیڈیم، جم اور کلب تباہ کر دیے، جبکہ غزہ میں ایسوسی ایشن کا ہیڈکوارٹر بھی بمباری کا نشانہ بنا۔
اس کے علاوہ اسرائیل نے غزہ سٹی میں صحافیوں کے خیمے پر بمباری کی، جس میں خلیجی چینل کے 2 صحافی اور 3 کیمرا آپریٹر شہید ہوئے۔ شہدا میں صحافی انس الشریف، محمد قریقہ، اور کیمرا آپریٹر محمد ظاہر، محمد نوفل اور مومین علیوا شامل ہیں۔
اسرائیلی فوج کا دعویٰ ہے کہ انس الشریف حماس سیل کے سربراہ اور اسرائیل پر راکٹ حملوں کے ذمہ دار تھے۔
تبصرے بند ہیں