امریکی اخبار نیو یارک ٹائمز نے کہا ہےکہ امریکا کی ایران کے خلاف تقریباً 4 ماہ کی جنگ میں ایران کا جوہری پروگرام مکمل طور پر ختم نہ کیا جاسکا۔
نیویارک ٹائمز کے مطابق جنگ کے بعد بھی ایران کا بیلسٹک میزائل پروگرام برقرار رہا، اتحادی اب بھی سرگرم اور ایران کا سیاسی نظام بھی اپنی جگہ قائم ہے۔
نیویارک ٹائمز کی تجزیاتی رپورٹ میں کہا گیا ہے کہ جنگ اور حالیہ معاہدے کے باوجود مشرقِ وسطیٰ کی مجموعی صورتحال میں کوئی بڑی تبدیلی رونما نہیں ہوئی، امریکی صدر نے فروری میں ایران کے خلاف فوجی کارروائی کو بڑی تبدیلی لانے اور ایران سے لاحق خطرات کے خاتمے کی کوشش قرار دیا تھا۔
رپورٹ کے مطابق معاہدے سے ایران کو اہم معاشی فوائد حاصل ہو سکتے ہیں۔
ماہرین کا کہنا ہے کہ معاہدہ امریکا کی فوجی برتری کے بجائے تنازع کو مزید بڑھانے سے گریز کی عکاسی کرتا ہے۔
تبصرے بند ہیں